Balita

ASAWA NGA GITIGBAS SA BANA, ANAA NA SA LUWAS NGA KAHIMTANG

Anaa na karon sa luwas nga kahimtang si Marilou Bakeke human gisamad-samaran sa iyang bana nga si Joseph Bakeke kagahapon sa buntag didto mismo sa ilang pinuy-anan sa Looc Estaka, Dipolog city.

Matod pa sa mga nakasaksi nga natulog pa niadtong higayona sulod sa kwarto ang biktima sa dihang gisulod sa bana ug gitigbas-tigbas sa walay igong rason.

Swerte usab nga daling nadala sa tambalanan ang biktima samtang ang bana niini gipaslak na sa locked-up cell sa Dipolog CPS ug nagpaabot sa pormal nga pagpasaka ug kaso.

Si Marilou kasamtangan kining magtutudlo sa Dipolog City Pilot School.

Padayon usab ang imbistigasyon sa mga pulis aron matino ang tinuod nga hinungdan kalabot sa pagpanigbas.|Mark Bacroya-DXDR DIPOLOG CITY

Courtesy: Jossa Marie Bakeke/Zorayda Eva Muztaril

Leave a Reply

Your email address will not be published. Required fields are marked *

Back to top button